un ke sab jhuT moatabar Thahre

un ke sab jhuuT mo'atabar Thahre

jo mere sach the be-asar Thahre

ham bhī sau jaañ nisār kar deñge

un kī ham par jo ik nazar Thahre

tinkā tinkā bikhar gayā āḳhir

kaise tūfāñ meñ koī ghar Thahre

din kī ḳhushiyāñ na ġham kī raat baneñ

vaqt kā bhī kabhī safar Thahre

mas.ale ek pal meñ hal ho jaa.eñ

tū agar merā chār-gar Thahre

us se kah to diyā chalā jaa.e

dil ye kahtā rahā magar Thahre

koī tadbīr ho vo lauT aa.eñ

paañv thak jaa.eñ rahguzar Thahre

jin ki nisbat siyāh shab se na ho

mere āñgan meñ vo sahar Thahre

ek aahaT kī aas meñ kab se

haiñ 'hinā' dil ke bām-o-dar Thahre

un ke sab jhuT mo'atabar Thahre

jo mere sach the be-asar Thahre

hum bhi sau jaan nisar kar denge

un ki hum par jo ek nazar Thahre

tinka tinka bikhar gaya aaKHir

kaise tufan mein koi ghar Thahre

din ki KHushiyan na gham ki raat banen

waqt ka bhi kabhi safar Thahre

masale ek pal mein hal ho jaen

tu agar mera chaar-gar Thahre

us se kah to diya chala jae

dil ye kahta raha magar Thahre

koi tadbir ho wo lauT aaen

panw thak jaen rahguzar Thahre

jin ki nisbat siyah shab se na ho

mere aangan mein wo sahar Thahre

ek aahaT ki aas mein kab se

hain 'hina' dil ke baam-o-dar Thahre