unki chashm-e-mast mein poshida ek mai-KHana tha

un kī chashm-e-mast meñ poshīda ik mai-ḳhāna thā

jaam thā sāġhar thā mai thī shīsha thā paimāna thā

kyā faqat merā hī ik chhalkā huā paimāna thā

jo bhī un kī bazm meñ thā hosh se begāna thā

iḳhtilāf-e-shakl ne dhokā nigāhoñ ko diyā

varna jo kuchh sham-e-sozāñ thī vahī parvāna thā

kis tarah chhuptā mirī TuuTī huī tauba kā raaz

ek maiñ tanhā na thā maiḳhāne kā mai-ḳhāna thā

yaad itnā rah gayā hai qissa-e-ahd-e-shabāb

ik ḳhumār-e-be-ḳhudī thā aap se begāna thā

zard chehra band lab āñkhoñ meñ aañsū dil pe haath

be-zabānī kī zabāñ thī aur mirā afsāna thā

husn kī duniyā ke saath un kī taraf duniyā-e-ishq

aur yahāñ dil hī na thā aur thā bhī to dīvāna thā

jis kī pāmālī meñ muzmar ābiyārī thī 'vaqār'

maiñ riyāz-e-dahr meñ vo sabza-e-begāna thā

un ki chashm-e-mast mein poshida ek mai-KHana tha

jam tha saghar tha mai thi shisha tha paimana tha

kya faqat mera hi ek chhalka hua paimana tha

jo bhi un ki bazm mein tha hosh se begana tha

iKHtilaf-e-shakl ne dhoka nigahon ko diya

warna jo kuchh sham-e-sozan thi wahi parwana tha

kis tarah chhupta meri TuTi hui tauba ka raaz

ek main tanha na tha maiKHane ka mai-KHana tha

yaad itna rah gaya hai qissa-e-ahd-e-shabab

ek KHumar-e-be-KHudi tha aap se begana tha

zard chehra band lab aankhon mein aansu dil pe hath

be-zabani ki zaban thi aur mera afsana tha

husn ki duniya ke sath un ki taraf duniya-e-ishq

aur yahan dil hi na tha aur tha bhi to diwana tha

jis ki pamali mein muzmar aabiyari thi 'waqar'

main riyaz-e-dahr mein wo sabza-e-begana tha