unki peshani pe dekha to kai bal nikle

un kī peshānī pe dekhā to ka.ī bal nikle

dosto tum hī batāo ki koī hal nikle

bāġhbāñ thā tirā ilzām yahāñ chorī kā

phuul nikle na yahāñ se na yahāñ phal nikle

gaaoñ gaaoñ bhare tālāb thī itnī bārish

aur bin barse mire gaaoñ se bādal nikle

izzateñ luuT ke jo qatl kiyā karte the

jab vo pakḌe ga.e dekhā nire pāgal nikle

ārzūoñ se lade jismoñ kā ab kyā hogā

be-shumār aise the un meñ ki jo bekal nikle

karte rahnā hī baḌā kaam hai is duniyā meñ

bin kiye dosto apnā na koī pal nikle

ai 'niyāzī' na sunā hāl-e-tabāhī us kā

dar bhī insāf ke jo the vo muqaffal nikle

un ki peshani pe dekha to kai bal nikle

dosto tum hi batao ki koi hal nikle

baghban tha tera ilzam yahan chori ka

phul nikle na yahan se na yahan phal nikle

gaon gaon bhare talab thi itni barish

aur bin barse mere gaon se baadal nikle

izzaten luT ke jo qatl kiya karte the

jab wo pakDe gae dekha nire pagal nikle

aarzuon se lade jismon ka ab kya hoga

be-shumar aise the un mein ki jo bekal nikle

karte rahna hi baDa kaam hai is duniya mein

bin kiye dosto apna na koi pal nikle

ai 'niyazi' na suna haal-e-tabahi us ka

dar bhi insaf ke jo the wo muqaffal nikle