un ko dimagh-e-pursish-e-ahl-e-mehan kahan
un ko dimāġh-e-pursish-e-ahl-e-mehan kahāñ
ye bhī sahī to ham ko majāl-e-suḳhan kahāñ
ik buuñd hai lahū kī magar be-qarār hai
dil ko chhupā.e zulf-e-shikan-dar-shikan kahāñ
tamkīn-e-ḳhāmushī ne unheñ but banā diyā
sab is gumān meñ haiñ ki un ke dahan kahāñ
vo shām-e-va.ada mahv haiñ ārā.ishoñ meñ aur
pahuñchā hai le ke mujh ko mirā sū-e-zan kahāñ
'beḳhud' na kyuuñ hoñ dūrī-e-ustād hai malūl
socho to mārvāḌ kahāñ hai dakan kahāñ
un ko dimagh-e-pursish-e-ahl-e-mehan kahan
ye bhi sahi to hum ko majal-e-suKHan kahan
ek bund hai lahu ki magar be-qarar hai
dil ko chhupae zulf-e-shikan-dar-shikan kahan
tamkin-e-KHamushi ne unhen but bana diya
sab is guman mein hain ki un ke dahan kahan
wo sham-e-wada mahw hain aaraishon mein aur
pahuncha hai le ke mujh ko mera su-e-zan kahan
'beKHud' na kyun hon duri-e-ustad hai malul
socho to marwaD kahan hai dakan kahan
Source:
Intekhab-e-Sukhan(Jild-2) (Pg. 187)
- Author: Hasrat Mohani
-
- Edition: 1983
- Publisher: uttar pradesh urdu academy
- Year of Publication: 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
