un ko hai etidal mujhe intiha pasand
un ko hai e'tidāl mujhe intihā pasand
un kī judā pasand hai merī judā pasand
jaur-o-jafā pasand hai sharm-o-hayā pasand
kāfir adā kī hai mujhe ik ik adā pasand
un kā mizāj aur hai merā mazāq aur
in ko jafā pasand hai mujh ko vafā pasand
kyā ḳhuub hai ye vaqt kī raftār dekhiye
karte haiñ mai-kade ko bhī ab pārsā pasand
rakhte haiñ do-jahāñ meñ vahī zindagī kā haq
baḌh kar hayāt se bhī hai jin ko qazā pasand
manzil se duur jāda-e-manzil se duur hai
kis baat par kareñ tujhe ai rahnumā pasand
'jāñbāz' kyuuñ ayaañ na hoñ gul-kāriyāñ tirī
mushkil zamīñ hai jab tujhe ai ḳhush-navā pasand
un ko hai e'tidal mujhe intiha pasand
un ki juda pasand hai meri juda pasand
jaur-o-jafa pasand hai sharm-o-haya pasand
kafir ada ki hai mujhe ek ek ada pasand
un ka mizaj aur hai mera mazaq aur
in ko jafa pasand hai mujh ko wafa pasand
kya KHub hai ye waqt ki raftar dekhiye
karte hain mai-kade ko bhi ab parsa pasand
rakhte hain do-jahan mein wahi zindagi ka haq
baDh kar hayat se bhi hai jin ko qaza pasand
manzil se dur jada-e-manzil se dur hai
kis baat par karen tujhe ai rahnuma pasand
'jaanbaz' kyun ayan na hon gul-kariyan teri
mushkil zamin hai jab tujhe ai KHush-nawa pasand
Source:
SAAZ-O-NAVA (Pg. 95)
-
- Publisher: Raghu Nath suhai ummid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.