un se bargashta-nigāhī ke sivā kuchh na milā
āḳhir-e-kār tabāhī ke sivā kuchh na milā
dil ko har-chand kuredā magar us kī tah meñ
ek bahke hue raahī ke sivā kuchh na milā
chāñd taare nigah-e-pās meñ nikle be-nūr
āsmānoñ meñ siyāhī ke sivā kuchh na milā
tajziya un ke irādoñ kā jo karne baiThe
ġhair kī pusht-panāhī ke sivā kuchh na milā
kī 'munavār' ne duā jo bhī vo nākām rahī
ajr meñ qahr-e-ilāhī ke sivā kuchh na milā
un se bargashta-nigahi ke siwa kuchh na mila
aaKHir-e-kar tabahi ke siwa kuchh na mila
dil ko har-chand kureda magar us ki tah mein
ek bahke hue rahi ke siwa kuchh na mila
chand tare nigah-e-pas mein nikle be-nur
aasmanon mein siyahi ke siwa kuchh na mila
tajziya un ke iradon ka jo karne baiThe
ghair ki pusht-panahi ke siwa kuchh na mila
ki 'munawar' ne dua jo bhi wo nakaam rahi
ajr mein qahr-e-ilahi ke siwa kuchh na mila
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.