un se mila to phir main kisi ka nahin raha

un se milā to phir maiñ kisī kā nahīñ rahā

aur jab bichhaḌ gayā to ḳhud apnā nahīñ rahā

dīvār TūTne kā ajab silsila chalā

sāyoñ ke sar pe ab koī saaya nahīñ rahā

har ik makāñ se naam kī taḳhtī utar ga.ī

dil kī fasīl pe koī pahra nahīñ rahā

rahbar badal ga.e kabhī rahzan badal ga.e

aur ham-safar bhī koī purānā nahīñ rahā

ab us ke husn meñ vo karishme nahīñ rahe

taalī to baj rahī hai tamāsha nahīñ rahā

shāyad paḌos meñ kahīñ bijlī girī hai aaj

dekho hamāre ghar meñ añdherā nahīñ rahā

dīmak lagī huī hai salīboñ pe shaad ab

rasm-e-junūñ nibāhane vaalā nahīñ rahā

un se mila to phir main kisi ka nahin raha

aur jab bichhaD gaya to KHud apna nahin raha

diwar TuTne ka ajab silsila chala

sayon ke sar pe ab koi saya nahin raha

har ek makan se nam ki taKHti utar gai

dil ki fasil pe koi pahra nahin raha

rahbar badal gae kabhi rahzan badal gae

aur ham-safar bhi koi purana nahin raha

ab us ke husn mein wo karishme nahin rahe

tali to baj rahi hai tamasha nahin raha

shayad paDos mein kahin bijli giri hai aaj

dekho hamare ghar mein andhera nahin raha

dimak lagi hui hai salibon pe shad ab

rasm-e-junun nibahane wala nahin raha