uns hai KHana-e-sayyaad se gulshan kaisa

Taashshuq Lakhnavi

uns hai KHana-e-sayyaad se gulshan kaisa

Taashshuq Lakhnavi

MORE BYTaashshuq Lakhnavi

    uns hai ḳhāna-e-sayyād se gulshan kaisā

    nāz-parvard-e-qafas huuñ maiñ nasheman kaisā

    ham vo uryāñ haiñ ki vāqif nahīñ ai josh-e-junūñ

    naam kis shai garebān hai dāman kaisā

    apnī āzurda-dilī ba.ad-e-fanā kaam aa.ī

    Dher yahāñ gard-e-kudūrat ke haiñ madfan kaisā

    kah diyā bas ki tirī aah meñ tāsīr nahīñ

    ye na dekhā ki ye siina meñ hai rauzan kaisā

    chhuT ke us phuul se barbād paḌe phirte haiñ

    ham to ab tā.ir-e-nighat haiñ nasheman kaisā

    dil use de ke chale mulk-e-adam ko be-ḳhauf

    maal rakhte nahīñ andesha-e-rahzan kaisā

    dil-e-betāb hai sīna-e-sozāñ meñ sadā

    asl paara hai kyā dāna-e-gulḳhan kaisā

    thā kabhī daur-e-asīrān-e-qafas ai sayyād

    ab to ik phuul muhtāj haiñ gulshan kaisā

    chaar din meñ ye zamāna bhī guzar jā.egā

    abhī ro.eñge javānī ko laḌakpan kaisā

    saḳht-jāñ haiñ tirī talvār se kyā ḳhauf hameñ

    saḳhtī-e-marg se dabte nahīñ aahan kaisā

    jal ga.e sūrat-e-parvāna tab ishq se ham

    pheñk de laash uThā kar koī madfan kaisā

    ek din ablaq-e-ayyām karegā pāmāl

    mujh se rah rah ke bigaḌtā hai ye tausan kaisā

    ishq se kaam na thā husn parvā bhī na thī

    yaad aatā hai javānī meñ laḌakpan kaisā

    khelte ho dil-e-betāb se phūloñ tarah

    aur hotā hai mirī jaan laḌakpan kaisā

    sham.a se aap ke sozāñ ye sunā karte haiñ

    koī muhtāj-e-kafan bhī na ho madfan kaisā

    chāhtā huuñ koī dekhe na terī teġh ke zaḳhm

    chashm-e-jarrāh hai kyā dīda-e-sozan kaisā

    naqsh-e-pā haiñ havas-e-nām-o-nishāñ ḳhaak nahīñ

    ham to uThne ke liye baiThe haiñ maskan kaisā

    āñdhiyāñ garm jo chaltī haiñ mirī aahoñ se

    muñh chhupātā hai charāġh-e-tah-e-dāman kaisā

    siina apnā hai hamārā dil-e-sozāñ apnā

    sham-e-fānūs o charāġh-e-tah-e-dāman kaisā

    duur jab se sifat-e-barg-e-ḳhizāñ-dīda hai

    yaad aatā hai shab-o-roz vo gulshan kaisā

    uns hai KHana-e-sayyaad se gulshan kaisa

    naz-parward-e-qafas hun main nasheman kaisa

    hum wo uryan hain ki waqif nahin ai josh-e-junun

    nam kis shai ka gareban hai daman kaisa

    apni aazurda-dili baad-e-fana kaam aai

    Dher yahan gard-e-kudurat ke hain madfan kaisa

    kah diya bas ki teri aah mein tasir nahin

    ye na dekha ki ye sina mein hai rauzan kaisa

    chhuT ke us phul se barbaad paDe phirte hain

    hum to ab tair-e-nighat hain nasheman kaisa

    dil use de ke chale mulk-e-adam ko be-KHauf

    mal rakhte nahin andesha-e-rahzan kaisa

    dil-e-betab ki hai sina-e-sozan mein sada

    asl para ki hai kya dana-e-gulKHan kaisa

    tha kabhi daur-e-asiran-e-qafas ai sayyaad

    ab to ek phul ki muhtaj hain gulshan kaisa

    chaar din mein ye zamana bhi guzar jaega

    abhi roenge jawani ko laDakpan kaisa

    saKHt-jaan hain teri talwar se kya KHauf hamein

    saKHti-e-marg se dabte nahin aahan kaisa

    jal gae surat-e-parwana tab ishq se hum

    phenk de lash uTha kar koi madfan kaisa

    ek din ablaq-e-ayyam karega pamal

    mujh se rah rah ke bigaDta hai ye tausan kaisa

    ishq se kaam na tha husn ki parwa bhi na thi

    yaad aata hai jawani mein laDakpan kaisa

    khelte ho dil-e-betab se phulon ki tarah

    aur hota hai meri jaan laDakpan kaisa

    shama se aap ke sozan ye suna karte hain

    koi muhtaj-e-kafan bhi na ho madfan kaisa

    chahta hun koi dekhe na teri tegh ke zaKHm

    chashm-e-jarrah hai kya dida-e-sozan kaisa

    naqsh-e-pa hain hawas-e-nam-o-nishan KHak nahin

    hum to uThne ke liye baiThe hain maskan kaisa

    aandhiyan garm jo chalti hain meri aahon se

    munh chhupata hai charagh-e-tah-e-daman kaisa

    sina apna hai hamara dil-e-sozan apna

    sham-e-fanus o charagh-e-tah-e-daman kaisa

    dur jab se sifat-e-barg-e-KHizan-dida hai

    yaad aata hai shab-o-roz wo gulshan kaisa

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now