uqde ulfat ke sab ai rashk-e-qamar khol diye
siina yuuñ chaak kiyā dāġh-e-jigar khol diye
sab hasīnoñ ne mire qatl pe kamreñ bāñdhīñ
Dore talvāroñ ke aur band-e-sipar khol diye
aa gayā hosh tirī chaal ke mushtāqoñ ko
hashr kī sun ke sadā dīda-e-tar diye
paa.ī tāroñ ne ziyā baḌh ga.ī tārīki-e-shab
us ne muñh Dhāñp ke kānoñ ke guhar khol diye
aam bārāñ kī tarah se hai karam saaqī kā
aa.ī barsāt ki maiḳhāne ke dar khol diye
jā ajab kī nahīñ gar ahl-e-mohabbat ro.e
mere mātam meñ hasīnoñ ne bhī sar khol diye
āñkheñ khole hue sab dekh rahe haiñ tujh ko
dil ke jaane ko ye ushshāq ne dar khol diye
imtihān hasrat-e-parvāz kā manzūr huā
zab.h kar ke mujhe sayyād ne par khol diye
sharm aa.egī mujhe log samajh jā.eñge
tum ne gesū mire lāshe par agar khol diye
uqde ulfat ke sab ai rashk-e-qamar khol diye
sina yun chaak kiya dagh-e-jigar khol diye
sab hasinon ne mere qatl pe kamren bandhin
Dore talwaron ke aur band-e-sipar khol diye
aa gaya hosh teri chaal ke mushtaqon ko
hashr ki sun ke sada dida-e-tar diye
pai taron ne ziya baDh gai tariki-e-shab
us ne munh Dhanp ke kanon ke guhar khol diye
aam baran ki tarah se hai karam saqi ka
aai barsat ki maiKHane ke dar khol diye
ja ajab ki nahin gar ahl-e-mohabbat roe
mere matam mein hasinon ne bhi sar khol diye
aankhen khole hue sab dekh rahe hain tujh ko
dil ke jaane ko ye ushshaq ne dar khol diye
imtihan hasrat-e-parwaz ka manzur hua
zabh kar ke mujhe sayyaad ne par khol diye
sharm aaegi mujhe log samajh jaenge
tum ne gesu mere lashe par agar khol diye
Source:
Gulistan-e-Rasheed (Pg. ghazal-117 page-106)
-
Author:
Piyare Sahab Rasheed
-
- Year of Publication: 1952
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.