urdu ho ya misri ho

urdu ho yā misrī ho

kitnī mīThī lagtī ho

phūloñ kā dil dukhtā hai

kāñToñ par jab chaltī ho

chāñd se tum ko kyā nisbat

chhat par raah Tahaltī ho

shauq nirāle haiñ saare

phuul se shabnam chuntī ho

kitnī nāzuk aur ma.asūm

kāñch kī guḌiyā jaisī ho

tum ko chhūnā nā baabā

chaltī phirtī bijlī ho

qatra qatra shāhid hai

rag rag meñ tum bahtī ho

rang bhī tum meñ ḳhushbū bhī

phuul ho yā phir titlī ho

jab un kī ta.abīr nahīñ

ḳhvāboñ meñ kyoñ aatī ho

kitnā sastā hai 'shādāb'

aur tum kitnī mahñgī ho

urdu ho ya misri ho

kitni miThi lagti ho

phulon ka dil dukhta hai

kanTon par jab chalti ho

chand se tum ko kya nisbat

chhat par rah Tahalti ho

shauq nirale hain sare

phul se shabnam chunti ho

kitni nazuk aur masum

kanch ki guDiya jaisi ho

tum ko chhuna na baba

chalti phirti bijli ho

qatra qatra shahid hai

rag rag mein tum bahti ho

rang bhi tum mein KHushbu bhi

phul ho ya phir titli ho

jab un ki tabir nahin

KHwabon mein kyon aati ho

kitna sasta hai 'shadab'

aur tum kitni mahngi ho