uruj uske liye tha zawal mere liye

uruuj us ke liye thā zavāl mere liye

nazar nazar meñ rahā ik savāl mere liye

haqīqateñ sabhī mansūb un ke nāmoñ se

sarāb ḳhvāb tasavvur ḳhayāl mere liye

maiñ ik parinda huuñ masrūf-e-rizq kī ḳhātir

udhar haiñ ahl-e-nasheman niDhāl mere liye

dayār-e-ġhair meñ shām-o-sahar aziyyat hai

dayār-e-dil meñ Thaharnā muhāl mere liye

maiñ apne hisse kī furqat ke ba.ad ā.ūñgā

zarā salīqe se ḳhud ko sambhāl mere liye

vo muntazir thā sharāb-e-nazar liye 'zākir'

ghaTā ne khol ke rakkhe the baal mere liye

uruj us ke liye tha zawal mere liye

nazar nazar mein raha ek sawal mere liye

haqiqaten sabhi mansub un ke namon se

sarab KHwab tasawwur KHayal mere liye

main ek parinda hun masruf-e-rizq ki KHatir

udhar hain ahl-e-nasheman niDhaal mere liye

dayar-e-ghair mein sham-o-sahar aziyyat hai

dayar-e-dil mein Thaharna muhaal mere liye

main apne hisse ki furqat ke baad aaunga

zara saliqe se KHud ko sambhaal mere liye

wo muntazir tha sharab-e-nazar liye 'zakir'

ghaTa ne khol ke rakkhe the baal mere liye