us abr se bhi qabahat ziyaada hoti hai
us abr se bhī qabāhat ziyāda hotī hai
jise barasne kī aadat ziyāda hotī hai
vo ābshār haiñ us ke laboñ meñ poshīda
ki jin se pyaas kī shiddat ziyāda hotī hai
vo mere paas na aane ko detā hai tarjīh
jab us ko merī zarūrat ziyāda hotī hai
rahūñ jo ghar meñ to tanhā.ī kāTne aa.e
chalūñ jo raah to vahshat ziyāda hotī hai
maiñ ik shajar huuñ magar barg-o-bār se āzād
havā kī mujh pe ināyat ziyāda hotī hai
yahāñ hamāre bhī din the buzurg kahte haiñ
na.e lahū meñ baġhāvat ziyāda hotī hai
us abr se bhi qabahat ziyaada hoti hai
jise barasne ki aadat ziyaada hoti hai
wo aabshaar hain us ke labon mein poshida
ki jin se pyas ki shiddat ziyaada hoti hai
wo mere pas na aane ko deta hai tarjih
jab us ko meri zarurat ziyaada hoti hai
rahun jo ghar mein to tanhai kaTne aae
chalun jo rah to wahshat ziyaada hoti hai
main ek shajar hun magar barg-o-bar se aazad
hawa ki mujh pe inayat ziyaada hoti hai
yahan hamare bhi din the buzurg kahte hain
nae lahu mein baghawat ziyaada hoti hai
Source:
Rooh-e-Ghazal,Pachas Sala Intekhab (Pg. 560)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
