us but ki zaban par lo anwar phir aaj tumhaara nam aaya

us but kī zabāñ par lo 'anvar' phir aaj tumhārā naam aaya

kyā jazb-e-mohabbat jaag uThā kyā josh-e-junūñ phir kaam aaya

lo dekh lo vo namnāk āñkheñ lo sun lo vo zer-e-lab aaheñ

bīmār-e-hasīñ ke hoñToñ par kyā jāniye kyā paiġhām aaya

un mast nigāhoñ ne uTh kar fauran hī pilā dī thoḌī sī

rindoñ pe jahāñ hushyārī kā mahfil meñ koī ilzām aaya

kyā jāniye kyoñ dil bhar aaya ma.alūm nahīñ kyā baat huī

phir ek dhuāñ sā dil se uThā jab mere laboñ tak jaam aaya

kuchh tujh ko ḳhabar bhī hai zālim ai mast-e-ḳhirām-e-be-pardā

ye ḳhaak kā zarra zarra kyoñ dil ban ke ba-zer-e-gām aaya

detā huuñ tasallī maiñ 'anvar' dil ko yahī kah kah kar aksar

ab nāma-bar aane vaalā hai ab un kā koī paiġhām aaya

us but ki zaban par lo 'anwar' phir aaj tumhaara nam aaya

kya jazb-e-mohabbat jag uTha kya josh-e-junun phir kaam aaya

lo dekh lo wo namnak aankhen lo sun lo wo zer-e-lab aahen

bimar-e-hasin ke honTon par kya jaaniye kya paigham aaya

un mast nigahon ne uTh kar fauran hi pila di thoDi si

rindon pe jahan hushyari ka mahfil mein koi ilzam aaya

kya jaaniye kyon dil bhar aaya malum nahin kya baat hui

phir ek dhuan sa dil se uTha jab mere labon tak jam aaya

kuchh tujh ko KHabar bhi hai zalim ai mast-e-KHiram-e-be-parda

ye KHak ka zarra zarra kyon dil ban ke ba-zer-e-gam aaya

deta hun tasalli main 'anwar' dil ko yahi kah kah kar aksar

ab nama-bar aane wala hai ab un ka koi paigham aaya