us gul-badan kā raaz bahāroñ se pūchhiye
phūloñ se pūchhiye ki nazāroñ se pūchhiye
har dam yaqīñ ḳhudā pe hī rakhiye tamām umr
ahvāl-e-zīst apnā na tāroñ se pūchhiye
kāsa-ba-dast kitne haiñ shahroñ meñ gaañv meñ
ġhurbat kī lambī lambī qatāroñ se pūchhiye
lab kholne meñ hotā hai rusvā.iyoñ kā Dar
jo kuchh bhī pūchhnā hai ishāroñ se pūchhiye
aa.egā kab kisī ko yaqīñ merī baat par
merī haqīqateñ mire yāroñ se pūchhiye
'sāhir' na un se pūchhiye jin ko nahīñ hai qadr
kyā shai hai maañ ye maañ ke dulāroñ se pūchhiye
us gul-badan ka raaz bahaaron se puchhiye
phulon se puchhiye ki nazaron se puchhiye
har dam yaqin KHuda pe hi rakhiye tamam umr
ahwal-e-zist apna na taron se puchhiye
kasa-ba-dast kitne hain shahron mein ganw mein
ghurbat ki lambi lambi qataron se puchhiye
lab kholne mein hota hai ruswaiyon ka Dar
jo kuchh bhi puchhna hai ishaaron se puchhiye
aaega kab kisi ko yaqin meri baat par
meri haqiqaten mere yaron se puchhiye
'sahir' na un se puchhiye jin ko nahin hai qadr
kya shai hai man ye man ke dularon se puchhiye
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
