us ka hai azm-e-safar aur nikharne wala

us kā hai azm-e-safar aur nikharne vaalā

saḳht mausam se musāfir nahīñ Darne vaalā

chārgar tujh se nahīñ koī tavaqqo mujh ko

dard hotā hai davā had se guzarne vaalā

nā-ḳhudā tujh ko mubārak ho ḳhudā.ī terī

saath tere maiñ nahīñ paar utarne vaalā

us pe ehsān ye karnā na uThānā us ko

apne pairoñ pe khaḌā hogā vo girne vaalā

paar karne the use kitne savāloñ ke bhañvar

aTkaleñ chhoḌ gayā Duub ke marne vaalā

maiñ uḌānoñ kā taraf-dār use kaise kahūñ

bāl-o-par jo hai parindoñ ke katarne vaalā

kyuuñ bhalā mere liye itne pareshāñ ho tum

ek patta hī to huuñ suukh ke jharne vaalā

apnī nazroñ se girā hai jo kisī kā bhī nahīñ

saath kyā degā tirā ḳhud se mukarne vaalā

gard hālāt kī ab aisī jamī hai tujh par

ā.īne aks nahīñ koī ubharne vaalā

ye zamīñ vo to nahīñ jis kā thā va.adā terā

koī manzar to ho āñkhoñ meñ Thaharne vaalā

us ka hai azm-e-safar aur nikharne wala

saKHt mausam se musafir nahin Darne wala

chaargar tujh se nahin koi tawaqqo mujh ko

dard hota hai dawa had se guzarne wala

na-KHuda tujh ko mubarak ho KHudai teri

sath tere main nahin par utarne wala

us pe ehsan ye karna na uThana us ko

apne pairon pe khaDa hoga wo girne wala

par karne the use kitne sawalon ke bhanwar

aTkalen chhoD gaya Dub ke marne wala

main uDanon ka taraf-dar use kaise kahun

baal-o-par jo hai parindon ke katarne wala

kyun bhala mere liye itne pareshan ho tum

ek patta hi to hun sukh ke jharne wala

apni nazron se gira hai jo kisi ka bhi nahin

sath kya dega tera KHud se mukarne wala

gard haalat ki ab aisi jami hai tujh par

aaine aks nahin koi ubharne wala

ye zamin wo to nahin jis ka tha wada tera

koi manzar to ho aankhon mein Thaharne wala