us ka koi mujhe pata hi nahin
us kā koī mujhe pata hī nahīñ
vo mire shahr meñ rahā hī nahīñ
us kī āñkheñ ajiib āñkheñ thiiñ
ḳhvāb jin meñ kabhī sajā hī nahīñ
terā inkār kyā qayāmat hai
log kahne lage ḳhudā hī nahīñ
vo ḳhayāloñ meñ ghar meñ rahtā hai
vo safar par kabhī gayā hī nahīñ
umr bhar terā zikr karnā hai
ek din kā ye silsila hī nahīñ
chāñd shab bhar udaas rahtā hai
vo darīche se jhāñktā hī nahīñ
fāsla kuchh na kuchh rakhā us ne
TuuT kar vo kabhī milā hī nahīñ
us ka koi mujhe pata hi nahin
wo mere shahr mein raha hi nahin
us ki aankhen ajib aankhen thin
KHwab jin mein kabhi saja hi nahin
tera inkar kya qayamat hai
log kahne lage KHuda hi nahin
wo KHayalon mein ghar mein rahta hai
wo safar par kabhi gaya hi nahin
umr bhar tera zikr karna hai
ek din ka ye silsila hi nahin
chand shab bhar udas rahta hai
wo dariche se jhankta hi nahin
fasla kuchh na kuchh rakha us ne
TuT kar wo kabhi mila hi nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
