uske kuche mein gaya main so phir aaya na gaya

Ghamgeen Dehlvi

uske kuche mein gaya main so phir aaya na gaya

Ghamgeen Dehlvi

MORE BYGhamgeen Dehlvi

    us ke kūche meñ gayā maiñ so phir aayā na gayā

    maiñ vahāñ aap ko DhūñDā to maiñ paayā na gayā

    gum huā dil mire pahlū se ki paayā na gayā

    shāyad us kūche meñ us se phir aayā na gayā

    dam-ba-ḳhud ho ke muā us nazākat ke sabab

    āh-o-nāla bhī mujhe us ko sunāyā na gayā

    us ne ik roz meñ sau baar rulāyā mujh ko

    mujh se par us but-e-ḳhush-ḳhū ko manāyā na gayā

    ba.ad ik umar ke kyā tujh se kahūñ ai 'ġhamgīñ'

    hāl-e-dil us ne jo pūchhā to sunāyā na gayā

    us ke kuche mein gaya main so phir aaya na gaya

    main wahan aap ko DhunDa to main paya na gaya

    gum hua dil mere pahlu se ki paya na gaya

    shayad us kuche mein ja us se phir aaya na gaya

    dam-ba-KHud ho ke mua us ki nazakat ke sabab

    aah-o-nala bhi mujhe us ko sunaya na gaya

    us ne ek roz mein sau bar rulaya mujh ko

    mujh se par us but-e-KHush-KHu ko manaya na gaya

    baad ek umar ke kya tujh se kahun ai 'ghamgin'

    haal-e-dil us ne jo puchha to sunaya na gaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY