uski aankhon mein tamanna-e-sahar rakh dena

Mazhar Imam

uski aankhon mein tamanna-e-sahar rakh dena

Mazhar Imam

MORE BYMazhar Imam

    us āñkhoñ meñ tamannā-e-sahar rakh denā

    sīna-e-shab meñ kisī baat Dar rakh denā

    aaj guzregā isī samt se vo mahr-e-badan

    dil ke raste meñ zarā chand shajar rakh denā

    ye na kahnā ki añdherā hai bahut rāhoñ meñ

    us se milnā to hathelī pe qamar rakh denā

    us ko ash.ār sunānā to karāmāt ke saath

    apne TuuTe hue lafzoñ meñ asar rakh denā

    vārdāteñ to ka.ī shahr meñ guzrī hoñgī

    aaj aḳhbār meñ merī bhī ḳhabar rakh denā

    jis varaq par hai hadīs-e-lab-o-ruḳhsār raqam

    us varaq par koī barg-e-gul-e-tar rakh denā

    ek mahtāb daraḳhshāñ hai sar-e-bām-e-ḳhayāl

    merī āñkhoñ meñ bhī nairañg-e-nazar rakh denā

    lāla-e-sañg se tarāshe vo koī paikar-e-sañg

    dast-e-sanña.a meñ ik ye bhī hunar rakh denā

    us ki aankhon mein tamanna-e-sahar rakh dena

    sina-e-shab mein kisi baat ka Dar rakh dena

    aaj guzrega isi samt se wo mahr-e-badan

    dil ke raste mein zara chand shajar rakh dena

    ye na kahna ki andhera hai bahut rahon mein

    us se milna to hatheli pe qamar rakh dena

    us ko ashaar sunana to karamat ke sath

    apne TuTe hue lafzon mein asar rakh dena

    wardaten to kai shahr mein guzri hongi

    aaj aKHbar mein meri bhi KHabar rakh dena

    jis waraq par hai hadis-e-lab-o-ruKHsar raqam

    us waraq par koi barg-e-gul-e-tar rakh dena

    ek mahtab daraKHshan hai sar-e-baam-e-KHayal

    meri aankhon mein bhi nairang-e-nazar rakh dena

    lala-e-sang se tarashe wo koi paikar-e-sang

    dast-e-sanna mein ek ye bhi hunar rakh dena

    Source
    • Book : paalkii kahkashaa.n (Pg. 27)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY