uski diwar pe manqush hai wo harf-e-wafa

us kī dīvār pe manqūsh hai vo harf-e-vafā

jis kī ta.abīr ko ḳhvāboñ kā sahārā na milā

merī tanhā.ī se uktā ke tirā naam bhī kal

apne mustaqbil-e-tābāñ kī taraf lauT gayā

jab ḳhayālāt mirā saath nahīñ dete haiñ

dil meñ dar aatī hai chupke se vo mānūs sadā

aise ḳhush-rañg sarāboñ kā sahārā kab tak

muskurātā huuñ to detī hai tamannā ye sadā

maiñ ne chāhā thā na.ī sub.h kā sūraj ban jā.ūñ

duur tak dāman-e-shab aur bhī kuchh phail gayā

phir ḳhudā.ī meñ hai kyuuñ ghor añdheroñ ko sabāt

ham chalo maan ga.e ek tajallī hai ḳhudā

sher kahtā huuñ to 'akmal' mirā dil kahtā hai

fikr-e-āvāra pe alfāz kī chādar na chaḌhā

us ki diwar pe manqush hai wo harf-e-wafa

jis ki tabir ko KHwabon ka sahaara na mila

meri tanhai se ukta ke tera nam bhi kal

apne mustaqbil-e-taban ki taraf lauT gaya

jab KHayalat mera sath nahin dete hain

dil mein dar aati hai chupke se wo manus sada

aise KHush-rang sarabon ka sahaara kab tak

muskuraata hun to deti hai tamanna ye sada

main ne chaha tha nai subh ka suraj ban jaun

dur tak daman-e-shab aur bhi kuchh phail gaya

phir KHudai mein hai kyun ghor andheron ko sabaat

hum chalo man gae ek tajalli hai KHuda

sher kahta hun to 'akmal' mera dil kahta hai

fikr-e-awara pe alfaz ki chadar na chaDha