uski ek duniya hun main aur meri ek duniya hai wo
us kī ik duniyā huuñ maiñ aur merī ik duniyā hai vo
dasht meñ tanhā huuñ maiñ aur shahr meñ tanhā hai vo
maiñ bhī kaisā aa.ina huuñ ā.ina-dar-ā.ina
duur tak chehrā-ba-chehrā bas nazar aatā hai vo
us kī ḳhush-bū se mahak kar phuul ban jaatā hai dil
mausam-e-gul kī tarah aatā hai vo jaatā hai vo
zindagī apnī musalsal chāhatoñ kā ik safar
is safar meñ bār-hā mil kar bichhaḌ jaatā hai vo
ḳhvāb kyā hai ik khañDar hai ye khañDar kitnā hasīñ
is khañDar meñ sair karne ke liye aatā hai vo
maiñ sarāpā aarzū huuñ ārzū-e-nā-tamām
mujh ko har manzil se aage kī ḳhabar detā hai vo
husn kyā hai ik ġhazal hai 'ashk' ik taaza ġhazal
jaam hai miinā hai vo sāġhar hai vo sahbā hai vo
us ki ek duniya hun main aur meri ek duniya hai wo
dasht mein tanha hun main aur shahr mein tanha hai wo
main bhi kaisa aaina hun aaina-dar-aina
dur tak chehra-ba-chehra bas nazar aata hai wo
us ki KHush-bu se mahak kar phul ban jata hai dil
mausam-e-gul ki tarah aata hai wo jata hai wo
zindagi apni musalsal chahaton ka ek safar
is safar mein bar-ha mil kar bichhaD jata hai wo
KHwab kya hai ek khanDar hai ye khanDar kitna hasin
is khanDar mein sair karne ke liye aata hai wo
main sarapa aarzu hun aarzu-e-na-tamam
mujh ko har manzil se aage ki KHabar deta hai wo
husn kya hai ek ghazal hai 'ashk' ek taza ghazal
jam hai mina hai wo saghar hai wo sahba hai wo
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
