uski talab mein rah ko takti hai zindagi
us kī talab meñ raah ko taktī hai zindagī
āñkhoñ meñ vaqt-e-shām chamaktī hai zindagī
tere liye jab aañkh barastī hai raat ko
phir dil ke saath saath sulagtī hai zindagī
dukh se niDhāl ho ke jo rotī haiñ beTiyāñ
phir un ke dekh dekh ke hañstī hai zindagī
jo ik ḳhayāl bā.is-e-āzār hai bahut
us ik ḳhayāl se hī chahaktī hai zindagī
kis se kareñ ye baat ki jo haal haiñ yahāñ
ḳhāmosh agar hue to bilaktī hai zindagī
rastoñ ko soch soch pareshān haiñ sabhī
manzil ko khoj khoj sisaktī hai zindagī
chāhat ke jo bhī zaḳhm haiñ rakhiye sambhāl kar
in kī hī baas se to mahaktī hai zindagī
us ne diyā thā ek diyā raah ke liye
kab tak jalegā aaj to thaktī hai zindagī
us ki talab mein rah ko takti hai zindagi
aankhon mein waqt-e-sham chamakti hai zindagi
tere liye jab aankh barasti hai raat ko
phir dil ke sath sath sulagti hai zindagi
dukh se niDhaal ho ke jo roti hain beTiyan
phir un ke dekh dekh ke hansti hai zindagi
jo ek KHayal bais-e-azar hai bahut
us ek KHayal se hi chahakti hai zindagi
kis se karen ye baat ki jo haal hain yahan
KHamosh agar hue to bilakti hai zindagi
raston ko soch soch pareshan hain sabhi
manzil ko khoj khoj sisakti hai zindagi
chahat ke jo bhi zaKHm hain rakhiye sambhaal kar
in ki hi bas se to mahakti hai zindagi
us ne diya tha ek diya rah ke liye
kab tak jalega aaj to thakti hai zindagi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
