usko apni zat KHuda ki zat lagi hai

us ko apnī zaat ḳhudā kī zaat lagī hai

mere dil ko pāgal kī ye baat lagī hai

kajjug hai aur phir dukhḌoñ kī barsāt lagī hai

nuuh kī kashtī mere ghar ke saath lagī hai

mere paas tahī-dastī hai darveshī hai

ye daulat kab shahzādoñ ke haat lagī hai

gorī-chaTTī dhuup na joban par itrā.e

din ke pīchhe kaalī kaalī raat lagī hai

ek hasīñ fir.aun ko bazm-e-sher-o-suḳhan meñ

merī ġhazloñ kī pustak taurāt lagī hai

maiñ insān ko maut kā dūlhā kah detā huuñ

mujh ko mātam kī Tolī bārāt lagī hai

us ko apni zat KHuda ki zat lagi hai

mere dil ko pagal ki ye baat lagi hai

kajjug hai aur phir dukhDon ki barsat lagi hai

nuh ki kashti mere ghar ke sath lagi hai

mere pas tahi-dasti hai darweshi hai

ye daulat kab shahzadon ke hat lagi hai

gori-chaTTi dhup na joban par itrae

din ke pichhe kali kali raat lagi hai

ek hasin firaun ko bazm-e-sher-o-suKHan mein

meri ghazlon ki pustak tauraat lagi hai

main insan ko maut ka dulha kah deta hun

mujh ko matam ki Toli baraat lagi hai