usko na KHayal aae to hum munh se kahen kya

Shuja Khaavar

usko na KHayal aae to hum munh se kahen kya

Shuja Khaavar

MORE BY Shuja Khaavar

    us ko na ḳhayāl aa.e to ham muñh se kaheñ kyā

    vo bhī to mile ham se hamīñ us se mileñ kyā

    lashkar ko bachā.eñgī ye do-chār safeñ kyā

    aur un meñ bhī har shaḳhs ye kahtā hai hameñ kyā

    ye to sabhī kahte haiñ koī fikr na karnā

    ye koī batātā nahīñ ham ko ki kareñ kyā

    ghar se to chale aate haiñ bāzār jānib

    bāzār meñ ye sochte phirte haiñ ki leñ kyā

    āñkhoñ ko kiye band paḌe rahte haiñ ham log

    is par bhī to ḳhvāboñ se haiñ mahrūm kareñ kyā

    do chaar nahīñ saiñkaḌoñ sher us pe kahe haiñ

    is par bhī vo samjhe na to qadmoñ pe jhukeñ kyā

    jismānī ta.alluq pe ye sharmindagī kaisī

    aapas meñ badan kuchh bhī kareñ is se hameñ kyā

    ḳhvāboñ se bhī milte nahīñ hālāt ke Dar se

    māthe se baḌī ho ga.iiñ yaaro shikaneñ kyā

    us ko na KHayal aae to hum munh se kahen kya

    wo bhi to mile hum se hamin us se milen kya

    lashkar ko bachaengi ye do-chaar safen kya

    aur un mein bhi har shaKHs ye kahta hai hamein kya

    ye to sabhi kahte hain koi fikr na karna

    ye koi batata nahin hum ko ki karen kya

    ghar se to chale aate hain bazar ki jaanib

    bazar mein ye sochte phirte hain ki len kya

    aankhon ko kiye band paDe rahte hain hum log

    is par bhi to KHwabon se hain mahrum karen kya

    do chaar nahin sainkaDon sher us pe kahe hain

    is par bhi wo samjhe na to qadmon pe jhuken kya

    jismani talluq pe ye sharmindagi kaisi

    aapas mein badan kuchh bhi karen is se hamein kya

    KHwabon se bhi milte nahin haalat ke Dar se

    mathe se baDi ho gain yaro shikanen kya

    RECITATIONS

    Nomaan Shauque

    Nomaan Shauque

    Nomaan Shauque

    usko na KHayal aae to hum munh se kahen kya Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY