usko ye zid hai ki rah jae badan sar na rahe

Mazhar Imam

usko ye zid hai ki rah jae badan sar na rahe

Mazhar Imam

MORE BYMazhar Imam

    us ko ye zid hai ki rah jaa.e badan sar na rahe

    ghūmtī jaa.e zamīñ aur koī mehvar na rahe

    us ne himmat jo baḌhā.ī bhī to rakkhā ye lihāz

    koī buzdil na bane koī dilāvar na rahe

    us ne is tarah utārī mire ġham tasvīr

    rañg mahfūz to rah jaa.eñ pa manzar na rahe

    us ne kis naaz se baḳhshī hai mujhe jā-e-panāh

    yuuñ ki dīvār salāmat ho magar ghar na rahe

    ab ke āñdhī bhī chalī jab to salīqe se chalī

    yuuñ ki rah jaa.e shajar shāḳh-e-samar-var na rahe

    ab ye sāzish hai ki likkhe na koī qissa-e-dil

    lafz rah jaa.eñ magar koī suḳhan-var na rahe

    us ko ye zid hai ki rah jae badan sar na rahe

    ghumti jae zamin aur koi mehwar na rahe

    us ne himmat jo baDhai bhi to rakkha ye lihaz

    koi buzdil na bane koi dilawar na rahe

    us ne is tarah utari mere gham ki taswir

    rang mahfuz to rah jaen pa manzar na rahe

    us ne kis naz se baKHshi hai mujhe ja-e-panah

    yun ki diwar salamat ho magar ghar na rahe

    ab ke aandhi bhi chali jab to saliqe se chali

    yun ki rah jae shajar shaKH-e-samar-war na rahe

    ab ye sazish hai ki likkhe na koi qissa-e-dil

    lafz rah jaen magar koi suKHan-war na rahe

    Source
    • Book : paalkii kahkashaa.n (Pg. 98)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY