us meñ rah kar us ke bāhar jhāñknā achchhā nahīñ
dil-nashīñ ke dil ko kamtar āñknā achchhā nahīñ
jis kī āñkhoñ meñ hamesha bas hamāre ḳhvāb hoñ
us kī palkoñ par udāsī Tāñknā achchhā nahīñ
us kī ḳhāmoshī ko bhī sunñā samajhnā chāhiye
har ghaḌī bas apnī apnī hāñknā achchhā nahīñ
ek din dil ne kahā jā Dhāñk le apne gunāh
ham ne sochā ā.inoñ ko Dhañknā achchhā nahīñ
pyaar to amrit hai us ke ras kā ras liije 'navīn'
bed kī buuTī samajh kar phāñknā achchhā nahīñ
us mein rah kar us ke bahar jhankna achchha nahin
dil-nashin ke dil ko kamtar aankna achchha nahin
jis ki aankhon mein hamesha bas hamare KHwab hon
us ki palkon par udasi Tankna achchha nahin
us ki KHamoshi ko bhi sunna samajhna chahiye
har ghaDi bas apni apni hankna achchha nahin
ek din dil ne kaha ja Dhank le apne gunah
hum ne socha aainon ko Dhankna achchha nahin
pyar to amrit hai us ke ras ka ras lije 'nawin'
bed ki buTi samajh kar phankna achchha nahin
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
