usne aane ka jo wada kya jate jate

us ne aane kā jo va.ada kyā jaate jaate

dam mirā siine meñ rukne lagā aate jaate

ḳhaak meñ mujh ko jo tum ne na milāyā na sahī

laash hī merī Thikāne se lagāte jaate

tere dīvānoñ kā dekhe to koī josh-o-ḳharosh

sū-e-mahshar bhī haiñ ik shor machāte jaate

ham to samjhe the ki nāloñ se tasallī hogī

ye to haiñ dard meñ dard aur baḌhāte jaate

saath lenā thā hameñ bhī tujhe o paik-e-sabā

ham bhī ham-rāh tire Thokareñ khāte jaate

tum ne kāñdhā na diyā laash ko merī na sahī

ek Thokar hī mirī jaan lagāte jaate

yuuñ na jaanā thā unheñ paas se uTh kar 'anjum'

koī aafat hī mire sar pe vo dhāte jaate

us ne aane ka jo wada kya jate jate

dam mera sine mein rukne laga aate jate

KHak mein mujh ko jo tum ne na milaya na sahi

lash hi meri Thikane se lagate jate

tere diwanon ka dekhe to koi josh-o-KHarosh

su-e-mahshar bhi hain ek shor machate jate

hum to samjhe the ki nalon se tasalli hogi

ye to hain dard mein dard aur baDhate jate

sath lena tha hamein bhi tujhe o paik-e-saba

hum bhi ham-rah tere Thokaren khate jate

tum ne kandha na diya lash ko meri na sahi

ek Thokar hi meri jaan lagate jate

yun na jaana tha unhen pas se uTh kar 'anjum'

koi aafat hi mere sar pe wo dhate jate