usne dekha tha kal andaz se jate jate

us ne dekhā thā kal andāz se jaate jaate

ki mujhe chain na aayā kahīñ aate aate

ham ko manzūr nahīñ hai ki bharam un kā khule

varna ā.īna dikhā dete ham aate jaate

vaz.a kahtī hai vo rūThe haiñ to jaa.eñ rūTheñ

dil kī ḳhvāhish hai ki ham un ko manāte jaate

ho ga.e ham hī añdhere ke ab aadī varna

parda un ke ruḳh-e-raushan se uThāte jaate

ye jo fitrat hai mirī thoḌī sī ḳhuddārī kī

varna har haal meñ ham un se nibhāte jaate

kah diyā un ko mirī āñkhoñ ne sab kuchh 'anjum'

varna ik taaza ġhazal ham bhī sunāte jaate

us ne dekha tha kal andaz se jate jate

ki mujhe chain na aaya kahin aate aate

hum ko manzur nahin hai ki bharam un ka khule

warna aaina dikha dete hum aate jate

waza kahti hai wo ruThe hain to jaen ruThen

dil ki KHwahish hai ki hum un ko manate jate

ho gae hum hi andhere ke ab aadi warna

parda un ke ruKH-e-raushan se uThate jate

ye jo fitrat hai meri thoDi si KHuddari ki

warna har haal mein hum un se nibhate jate

kah diya un ko meri aankhon ne sab kuchh 'anjum'

warna ek taza ghazal hum bhi sunate jate