usne humse yahi shikayat ki

us ne ham se yahī shikāyat kī

is qadar ham se kyoñ mohabbat kī

āshiqoñ kī namāz hone lagī

aur miyāñ qais ne imāmat kī

laa.e tashrīf mere ḳhvāboñ meñ

ḳhvāh-maḳhvāh aap ne ye zahmat kī

vo the taz.īn-e-husn meñ masrūf

ham ne milne meñ thoḌī ujlat kī

us ne dekhā magar na pahchānā

ḳhair jo bhī kiyā ināyat kī

phir sukūñ dil kā ho gayā barbād

terī yādoñ ne kyā qayāmat kī

rishte aksar haiñ jhuuT par qaa.em

koī qīmat nahīñ sadāqat kī

ishq ke naam par hue barbād

par na mahbūb se shikāyat kī

chand aañsū haiñ us kī yādeñ haiñ

baat kuchh pochhiye na ḳhalvat kī

us ne hum se yahi shikayat ki

is qadar hum se kyon mohabbat ki

aashiqon ki namaz hone lagi

aur miyan qais ne imamat ki

lae tashrif mere KHwabon mein

KHwah-maKHwah aap ne ye zahmat ki

wo the tazin-e-husn mein masruf

hum ne milne mein thoDi ujlat ki

us ne dekha magar na pahchana

KHair jo bhi kiya inayat ki

phir sukun dil ka ho gaya barbaad

teri yaadon ne kya qayamat ki

rishte aksar hain jhuT par qaem

koi qimat nahin sadaqat ki

ishq ke nam par hue barbaad

par na mahbub se shikayat ki

chand aansu hain us ki yaaden hain

baat kuchh pochhiye na KHalwat ki