us ne mai pī ke sar-e-bazm jo sāġhar ulTā
varaq-e-anjuman-e-dahr sarāsar ulTā
dekhne vaale ko duniyā hai sarāpā tasvīr
go hai ā.īne meñ aks ruḳh-e-dilbar ulTā
kar diyā aa ke chaman ko tah-o-bālā kis ne
koī sīdhā hai yahāñ koī gul-e-tar ulTā
naaz se mujh ko sar-e-bazm jo saaqī ne diyā
haath tharrā.e kuchh is tarah ki sāġhar ulTā
ai ḳhudā kyā yuuñ hī aatī hai kisī dost kī yaad
aa gayā muñh ko kaleja dil-e-muztar ulTā
dād-ḳhvāhān-e-mohabbat kā ye amboh-e-kasīr
dil mirā dekh ke hañgāma-e-mahshar ulTā
jis pe ki baiTh ke vaa.iz ne mazammat mai kī
majlis-e-vāz meñ rindoñ ne vo mimbar ulTā
yā zamāne meñ mohabbat ke fasāne haiñ ġhalat
yā mirā naqsh-e-vafā hai mire dil par ulTā
tā-kujā ai dil-e-bīmār ye rāhat-talabī
umr bhar jab se bichhā phir na ye bistar ulTā
uTh ga.ī aaj zamāne se bisāt-e-ulfat
bistar-e-marg mirā us ne ye kah kar ulTā
ashk-bārī-e-shab-e-hijr kā kyā haal likhūñ
dīda-e-tar ne 'nazar' ek samundar ulTā
us ne mai pi ke sar-e-bazm jo saghar ulTa
waraq-e-anjuman-e-dahr sarasar ulTa
dekhne wale ko duniya hai sarapa taswir
go hai aaine mein aks ruKH-e-dilbar ulTa
kar diya aa ke chaman ko tah-o-baala kis ne
koi sidha hai yahan koi gul-e-tar ulTa
naz se mujh ko sar-e-bazm jo saqi ne diya
hath tharrae kuchh is tarah ki saghar ulTa
ai KHuda kya yun hi aati hai kisi dost ki yaad
aa gaya munh ko kaleja dil-e-muztar ulTa
dad-KHwahan-e-mohabbat ka ye amboh-e-kasir
dil mera dekh ke hangama-e-mahshar ulTa
jis pe ki baiTh ke waiz ne mazammat mai ki
majlis-e-waz mein rindon ne wo mimbar ulTa
ya zamane mein mohabbat ke fasane hain ghalat
ya mera naqsh-e-wafa hai mere dil par ulTa
ta-kuja ai dil-e-bimar ye rahat-talabi
umr bhar jab se bichha phir na ye bistar ulTa
uTh gai aaj zamane se bisat-e-ulfat
bistar-e-marg mera us ne ye kah kar ulTa
ashk-bari-e-shab-e-hijr ka kya haal likhun
dida-e-tar ne 'nazar' ek samundar ulTa
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.