usne man mein hi kaha tha main tumhaare sath hun

us ne man meñ hī kahā thā maiñ tumhāre saath huuñ

maiñ ne phir bhī sun liyā thā maiñ tumhāre saath huuñ

aaj dekhā us ko maiñ ne vo kisī ke saath thā

kal jo mujh se kah rahā thā maiñ tumhāre saath huuñ

mushkileñ rastā badal letīñ zarā sī baat par

bas use ye bolnā thā maiñ tumhāre saath huuñ

zaḳhm to bharne lage the jism ke saare magar

dard mujh se kah rahā thā maiñ tumhāre saath huuñ

tum ne be-shak mujh ko duniyā se chhupāyā thā magar

aa.ina to jāntā thā maiñ tumhāre saath huuñ

ik kināre par paḌī thī laash lā-vāris koī

ek kināre par likhā thā maiñ tumhāre saath huuñ

jāgtī āñkhoñ se jis ne mujh ko tanhā kar diyā

niiñd meñ vo chīḳhtā thā maiñ tumhāre saath huuñ

us ne man mein hi kaha tha main tumhaare sath hun

main ne phir bhi sun liya tha main tumhaare sath hun

aaj dekha us ko main ne wo kisi ke sath tha

kal jo mujh se kah raha tha main tumhaare sath hun

mushkilen rasta badal letin zara si baat par

bas use ye bolna tha main tumhaare sath hun

zaKHm to bharne lage the jism ke sare magar

dard mujh se kah raha tha main tumhaare sath hun

tum ne be-shak mujh ko duniya se chhupaya tha magar

aaina to jaanta tha main tumhaare sath hun

ek kinare par paDi thi lash la-waris koi

ek kinare par likha tha main tumhaare sath hun

jagti aankhon se jis ne mujh ko tanha kar diya

nind mein wo chiKHta tha main tumhaare sath hun