usne talab kiya mera dil is ada ke sath

us ne talab kiyā mirā dil is adā ke saath

iqrār maiñ ne kar liyā lekin hayā ke saath

muñh-band jab kalī the to sehn-e-chaman meñ the

ḳhushbū bane to uḌ ga.e mauj-e-sabā ke saath

shādī ko ek maah na guzrā huī talāq

rang-e-vafā bhī uḌ gayā rang-e-hinā ke saath

gar zid yahī hai saath meñ chandū bhī jā.egī

picnic meñ maiñ na jā.ūñgī us be-hayā ke saath

in se laḌā.ī jhagḌe hoñ maiñ faisla karūñ

kal saut ghar pe aa.ī thī apnī buā ke saath

'sajnī' ko maiñ ne dekhā thā ik roz shaam ko

ban-Than ke phir rahī thī kisī āshnā ke saath

us ne talab kiya mera dil is ada ke sath

iqrar main ne kar liya lekin haya ke sath

munh-band jab kali the to sehn-e-chaman mein the

KHushbu bane to uD gae mauj-e-saba ke sath

shadi ko ek mah na guzra hui talaq

rang-e-wafa bhi uD gaya rang-e-hina ke sath

gar zid yahi hai sath mein chandu bhi jaegi

picnic mein main na jaungi us be-haya ke sath

in se laDai jhagDe hon main faisla karun

kal saut ghar pe aai thi apni bua ke sath

'sajni' ko main ne dekha tha ek roz sham ko

ban-Than ke phir rahi thi kisi aashna ke sath