usne ye fasla is waste rakkha hoga

us ne ye fāsla is vāste rakkhā hogā

paas aa kar mire baiThegā to charchā hogā

aaj phir us ne mujhe yaad kiyā hai shāyad

dil ne yūñhī to nahīñ shor machāyā hogā

dekhnā log mohabbat kī misāleñ deñge

naam aa.egā mirā zikr tumhārā hogā

dard bechainī taḌap ranj-o-alam tanhā.ī

ham ne sochā hī nahīñ itnā ḳhasāra hogā

jis ko din-rāt duāoñ meñ hai māñgā ham ne

vaqt aa.egā kisī din vo hamārā hogā

hijr is vāste manzūr kiyā hai maiñ ne

terā har zaḳhm mujhe dil se gavārā hogā

us kī bechainī batātī hai ki aadil 'rāhī'

bhūlā-bisrā hī koī yaad to aatā hogā

us ne ye fasla is waste rakkha hoga

pas aa kar mere baiThega to charcha hoga

aaj phir us ne mujhe yaad kiya hai shayad

dil ne yunhi to nahin shor machaya hoga

dekhna log mohabbat ki misalen denge

nam aaega mera zikr tumhaara hoga

dard bechaini taDap ranj-o-alam tanhai

hum ne socha hi nahin itna KHasara hoga

jis ko din-raat duaon mein hai manga hum ne

waqt aaega kisi din wo hamara hoga

hijr is waste manzur kiya hai main ne

tera har zaKHm mujhe dil se gawara hoga

us ki bechaini batati hai ki aadil 'rahi'

bhula-bisra hi koi yaad to aata hoga