us rashk-e-qamar ki hamein aai jo nazar naf

us rashk-e-qamar kī hameñ aa.ī jo nazar naaf

ham samjhe ki hai ik girah-e-mū-e-kamar naaf

kurte kā garebān garebān-e-sahar hai

gorā shikam un kā hai sahar najm-e-sahar naaf

kis darja badan kī tirī rañgat hai sunahrī

sone kā varaq peT hai to bo tah-e-zar-e-nāf

pistān haiñ habāb aur shikam bahr-e-latāfat

maujeñ haiñ baTīñ peT kī dariyā kā bhañvar naaf

vo ā.īna vo baal hai vo chhālā hai us kā

hairat meñ huuñ maiñ dekh ke bas peT kamar naaf

ho gor-e-gaḌhā kūcha-e-jānāñ meñ hamārā

ham mar ga.e haiñ dekh ke bas ek nazar naaf

har uzv bhaḌakne meñ hai ai 'mehr' saqanqūr

jaalī kī vo kartī to hai jaal aur bhañvar naaf

us rashk-e-qamar ki hamein aai jo nazar naf

hum samjhe ki hai ek girah-e-mu-e-kamar naf

kurte ka gareban gareban-e-sahar hai

gora shikam un ka hai sahar najm-e-sahar naf

kis darja badan ki teri rangat hai sunahri

sone ka waraq peT hai to bo tah-e-zar-e-naf

pistan hain habab aur shikam bahr-e-latafat

maujen hain baTin peT ki dariya ka bhanwar naf

wo aaina wo baal hai wo chhaala hai us ka

hairat mein hun main dekh ke bas peT kamar naf

ho gor-e-gaDha kucha-e-jaanan mein hamara

hum mar gae hain dekh ke bas ek nazar naf

har uzw bhaDakne mein hai ai 'mehr' saqanqur

jali ki wo karti to hai jal aur bhanwar naf