us se mera to koi dur ka rishta bhi nahin

Zafar Ansari Zafar

us se mera to koi dur ka rishta bhi nahin

Zafar Ansari Zafar

MORE BY Zafar Ansari Zafar

    us se merā to koī duur rishta bhī nahīñ

    aur ye bhī hai ki vo shaḳhs parāyā bhī nahīñ

    vo mire ġham se ho anjān kuchh aisā bhī nahīñ

    vo mirā haal magar pūchhne aayā bhī nahīñ

    ġhair ko qurb mayassar hai magar ai hamdam

    merī ḳhātir to tirā duur jalva bhī nahīñ

    umr bhar saath nibhāne karūñ kyā va.ada

    zindagī ab to mujhe ḳhud pe bharosa bhī nahīñ

    is qadar mujh ko rahā ābrū-e-ġham ḳhayāl

    ronā chāhā to magar phuuT ke royā bhī nahīñ

    ek terī jo tamannā na rahī ai hamdam

    mere dil meñ to kisī shai tamannā bhī nahīñ

    ek vo haiñ ki unheñ aa.ī hai ārām niiñd

    ek maiñ huuñ ki kabhī chain se soyā bhī nahīñ

    baaz aate bhī nahīñ zulm-o-sitam se apne

    dekh paate ho magar merā taḌapnā bhī nahīñ

    chhoḌe jaatī hai magar ye bhī tujhe yaad rahe

    zindagī tere sivā ab koī apnā bhī nahīñ

    kis tarah phail ga.ī bū-e-hinā har jānib

    us ke baare meñ abhī maiñ ne to sochā bhī nahīñ

    mujh ko hālāt ne behis banā kar chhoḌā

    mere siine meñ ye dil hai ki dhaḌaktā bhī nahīñ

    bhuul ke saare sitam ham to chale jaate 'zafar'

    par hameñ us ne kabhī dil se bulāyā bhī nahīñ

    us se mera to koi dur ka rishta bhi nahin

    aur ye bhi hai ki wo shaKHs paraya bhi nahin

    wo mere gham se ho anjaan kuchh aisa bhi nahin

    wo mera haal magar puchhne aaya bhi nahin

    ghair ko qurb mayassar hai magar ai hamdam

    meri KHatir to tera dur ka jalwa bhi nahin

    umr bhar sath nibhane ka karun kya wada

    zindagi ab to mujhe KHud pe bharosa bhi nahin

    is qadar mujh ko raha aabru-e-gham ka KHayal

    rona chaha to magar phuT ke roya bhi nahin

    ek teri jo tamanna na rahi ai hamdam

    mere dil mein to kisi shai ki tamanna bhi nahin

    ek wo hain ki unhen aai hai aaram ki nind

    ek main hun ki kabhi chain se soya bhi nahin

    baz aate bhi nahin zulm-o-sitam se apne

    dekh pate ho magar mera taDapna bhi nahin

    chhoDe jati hai magar ye bhi tujhe yaad rahe

    zindagi tere siwa ab koi apna bhi nahin

    kis tarah phail gai bu-e-hina har jaanib

    us ke bare mein abhi main ne to socha bhi nahin

    mujh ko haalat ne behis hi bana kar chhoDa

    mere sine mein ye dil hai ki dhaDakta bhi nahin

    bhul ke sare sitam hum to chale jate 'zafar'

    par hamein us ne kabhi dil se bulaya bhi nahin

    Source:

    • Book : Tez Hawa ke Jhonke (Pg. 51)
    • Author : Zafar Ansari Zafar
    • Publication : Maktaba Jamia , Jamia Nagar, New Delhi (2009)
    • Edition : 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY