us se rishta hi hamara hai jhagaDne wala

us se rishta hī hamārā hai jhagaḌne vaalā

aur ye aap ke palle nahīñ paḌne vaalā

khokhlā dikhtā bhale huuñ maiñ tujhe bāhar se

ai havā tujh se magar maiñ na ukhaḌne vaalā

das minute pahle hī thī dhuup mire āñgan meñ

ye lagā hī nahīñ mausam hai bigaḌne vaalā

shāḳh ko aas thī vāpas kabhī to aa.egā

ḳhaak meñ mil gayā par us se bichhaḌne vaalā

roz ke jhagḌe se behtar hai mujhe chhoḌ hī do

haa.e ab koī nahīñ mujh se jhagaḌne vaalā

kaash ik baar phisal jā.ūñ kisī building se

aur koī bhī na ho mujh ko pakaḌne vaalā

us se rishta hi hamara hai jhagaDne wala

aur ye aap ke palle nahin paDne wala

khokhla dikhta bhale hun main tujhe bahar se

ai hawa tujh se magar main na ukhaDne wala

das minute pahle hi thi dhup mere aangan mein

ye laga hi nahin mausam hai bigaDne wala

shaKH ko aas thi wapas kabhi to aaega

KHak mein mil gaya par us se bichhaDne wala

roz ke jhagDe se behtar hai mujhe chhoD hi do

hae ab koi nahin mujh se jhagaDne wala

kash ek bar phisal jaun kisi building se

aur koi bhi na ho mujh ko pakaDne wala