us zulf ke ḳhayāl kā milnā muhāl thā
jab tak muue biloñ se nikalnā muhāl thā
dete na chaaT agar lab-e-shīrīñ ke zikr kī
machle thā tifl-e-ashk bahalnā muhāl thā
piirī meñ tarz-e-ishq-e-javānī vahī rahā
sūrat ke saath dil kā badalnā muhāl thā
qātil tirī galī meñ hue sab ke sar qalam
kaise the kūche rāsta chalnā muhāl thā
shukr-e-ḳhudā butoñ se huiiñ garm-joshiyāñ
patthar kā misl-e-shīsha pighalnā muhāl thā
sar tan se kaT ke laayā shagūfa hamārā ḳhuun
shāḳh-e-sināñ kā phūlnā phalnā muhāl thā
ḳhat kā ġhubār chhup na sakā rū-e-yār se
ātish se gul ke ḳhaar kā jalnā muhāl thā
mahfil meñ un ko itr diyā hogā ġhair ne
yāroñ ke ġham meñ hāthoñ ko malnā muhāl thā
umr-e-ravāñ ko āñkhoñ se dekhā chalā jo yaar
kyā kiije bigḌe dil kā sambhalnā muhāl thā
dil garmī-e-ḳhayāl se sūrat-bañdhī 'nasīm'
us sīm-tan kā sāñche meñ Dhalnā muhāl thā
us zulf ke KHayal ka milna muhaal tha
jab tak mue bilon se nikalna muhaal tha
dete na chaT agar lab-e-shirin ke zikr ki
machle tha tifl-e-ashk bahalna muhaal tha
piri mein tarz-e-ishq-e-jawani wahi raha
surat ke sath dil ka badalna muhaal tha
qatil teri gali mein hue sab ke sar qalam
kaise the kuche rasta chalna muhaal tha
shukr-e-KHuda buton se huin garm-joshiyan
patthar ka misl-e-shisha pighalna muhaal tha
sar tan se kaT ke laya shagufa hamara KHun
shaKH-e-sinan ka phulna phalna muhaal tha
KHat ka ghubar chhup na saka ru-e-yar se
aatish se gul ke KHar ka jalna muhaal tha
mahfil mein un ko itr diya hoga ghair ne
yaron ke gham mein hathon ko malna muhaal tha
umr-e-rawan ko aankhon se dekha chala jo yar
kya kije bigDe dil ka sambhalna muhaal tha
dil garmi-e-KHayal se surat-bandhi 'nasim'
us sim-tan ka sanche mein Dhalna muhaal tha
Source:
Deewan-e-Naseem (Pg. 6)
-
Author:
Pandit Daya Shankar Naseem Lakhnawi
-
- Publisher: Matba Gulshan-e-Faiz, Lucknow
- Year of Publication: 1895
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.