use laga tha kisi aur hi gali mein hua

use lagā thā kisī aur hī galī meñ huā

jo hādisa thā ḳhabar meñ mirī galī meñ huā

do ek log nahīñ the bharī galī meñ huā

tujhe ḳhabar hai tamāshā tirī galī meñ huā

hamārī baat gharoñ kī gharoñ meñ kyoñ na rahī

hamārā faisla kyūñkar kisī galī meñ huā

mirī ghaḌī to rukī hai mujhe batāo zarā

tulū’-e-sub.h yahāñ kaun sī galī meñ huā

phir ek shaḳhs khaḌā dekhtā thā har ghar ko

ki ghar kā dukh thā use aur dukhī galī meñ huā

'ajīb qatl thā āvāz tak na aa.ī koī

na koī shor sharāba kisī galī meñ huā

tumhārā mujh se bichhaḌne kā tazkira har pal

barā.e bahs huā aur galī galī meñ huā

jahāñ se rāste apne judā hue the 'uzair'

hamārā sāmnā phir se usī galī meñ huā

use laga tha kisi aur hi gali mein hua

jo hadisa tha KHabar mein meri gali mein hua

do ek log nahin the bhari gali mein hua

tujhe KHabar hai tamasha teri gali mein hua

hamari baat gharon ki gharon mein kyon na rahi

hamara faisla kyunkar kisi gali mein hua

meri ghaDi to ruki hai mujhe batao zara

tulu’-e-subh yahan kaun si gali mein hua

phir ek shaKHs khaDa dekhta tha har ghar ko

ki ghar ka dukh tha use aur dukhi gali mein hua

'ajib qatl tha aawaz tak na aai koi

na koi shor sharaba kisi gali mein hua

tumhaara mujh se bichhaDne ka tazkira har pal

barae bahs hua aur gali gali mein hua

jahan se raste apne juda hue the 'uzair'

hamara samna phir se usi gali mein hua