use pane ki karte ho dua to

use paane kī karte ho duā to

magar us se bhī kal jī bhar gayā to

yaqīnan aaj ham ik saath hote

agar karte zarā sā hausla to

chale ho rahnumā kar ilm ko tum

tumheñ is ilm ne bhaTkā diyā to

samajh sakte ho kyā anjām hogā

tumhāre vaar se vo bach gayā to

bahut masrūf thā mahfil meñ maanā

nahīñ kuchh boltā par dekhtā to

kisī ko chāhtī hai pūchh luuñ kyā

javāb is kā magar haañ meñ milā to

maiñ achchhā huuñ tabhī apnā rahī ho

koī mujh se bhī achchhā mil gayā to

bahut nazdīk mat aayā karo tum

kahīñ kuchh ho ga.ī ham se ḳhatā to

bahut se kaam kal karne haiñ mujh ko

magar ai zindagī kal na huā to

ġhulāmī meñ jakaḌ legā koī phir

vatan aise hī gar luTtā rahā to

use phir kaun māregā batāo

ġham-e-hijrāñ ne bhī Thukrā diyā to

use pane ki karte ho dua to

magar us se bhi kal ji bhar gaya to

yaqinan aaj hum ek sath hote

agar karte zara sa hausla to

chale ho rahnuma kar ilm ko tum

tumhein is ilm ne bhaTka diya to

samajh sakte ho kya anjam hoga

tumhaare war se wo bach gaya to

bahut masruf tha mahfil mein mana

nahin kuchh bolta par dekhta to

kisi ko chahti hai puchh lun kya

jawab is ka magar han mein mila to

main achchha hun tabhi apna rahi ho

koi mujh se bhi achchha mil gaya to

bahut nazdik mat aaya karo tum

kahin kuchh ho gai hum se KHata to

bahut se kaam kal karne hain mujh ko

magar ai zindagi kal na hua to

ghulami mein jakaD lega koi phir

watan aise hi gar luTta raha to

use phir kaun marega batao

gham-e-hijran ne bhi Thukra diya to