usi ka jalwa-e-zeba hai chandni kya hai
usī kā jalva-e-zebā hai chāñdnī kyā hai
ye chāñd kyā hai ye sūraj kī raushnī kyā hai
usī ke husn pe detā hai jaan parvāna
nahīñ to sham ke sho.aloñ meñ dilkashī kyā hai
kahāñ kā vasl kahāñ kā firāq kis kā gila
vajūd ek hī Thahrā to phir duī kyā hai
kisī pe rāz-e-haqīqat khule tū ḳhaak khule
jab aadmī nahīñ vāqif ki aadmī kyā hai
jabīn-e-shauq hai aur un kā āstāna hai
jo bandagī ye nahīñ hai to bandagī kyā hai
zabān o dil ke ta.alluq kā bhī lihāz rahe
'sarīr' dil ko na chhū le vo shā.irī kyā hai
usi ka jalwa-e-zeba hai chandni kya hai
ye chand kya hai ye suraj ki raushni kya hai
usi ke husn pe deta hai jaan parwana
nahin to sham ke shoalon mein dilkashi kya hai
kahan ka wasl kahan ka firaq kis ka gila
wajud ek hi Thahra to phir dui kya hai
kisi pe raaz-e-haqiqat khule tu KHak khule
jab aadmi nahin waqif ki aadmi kya hai
jabin-e-shauq hai aur un ka aastana hai
jo bandagi ye nahin hai to bandagi kya hai
zaban o dil ke talluq ka bhi lihaz rahe
'sarir' dil ko na chhu le wo shairi kya hai
Source:
Rooh-e-Ghazal,Pachas Sala Intekhab (Pg. 94)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
