aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

usi ke dam pe to ye dosti bachi hui thi

Liaqat Jafri

usi ke dam pe to ye dosti bachi hui thi

Liaqat Jafri

MORE BYLiaqat Jafri

    usī ke dam pe to ye dostī bachī huī thī

    hamāre biich meñ jo ham-sarī bachī huī thī

    hamāre biich meñ ik puḳhtagī bachī huī thī

    bachī huī thī magar aarzī bachī huī thī

    usī ke nuur se ye raushnī bachī huī thī

    mire nasīb meñ jo tīrgī bachī huī thī

    usī ke dam pe manāyā thā us ne jashn mirā

    ki dushmanī meñ bhī jo dostī bachī huī thī

    kamāl ye thā ki ham bahs haar baiThe the

    hamāre lahje shā.istagī bachī huī thī

    agarche ḳhatm the rishte paḌosiyoñ vaale

    hamāre biich meñ hamsā.egī bachī thī

    badal chukā thā vo apnā mizāj mere liye

    magar dikhāve ko ik be-ruḳhī bachī huī thī

    usī ke nuur se pur-nūr thā ye saarā jahāñ

    hamārī aañkh meñ jo raushnī bachī huī thī

    ab is maqām pe pahuñchā diyā thā ham ne ishq

    junūn ḳhatm thā dīvāngī bachī huī thī

    usī ne joḌ ke rakkhā huā thā rishte ko

    hamāre biich meñ jo barhamī bachī huī thī

    is ek baat sharmindagī ne maar diyā

    mire vajūd tirī tishnagī bachī huī thī

    ubuur kar liyā sahrā to phir se lauT aa.e

    junūn baaqī thā āshuftagī bachī huī thī

    maiñ gāhe-gāhe use yaad kar letā thā

    isī bahāne mirī zindagī bachī huī thī

    usī ke dam pe paḌhe bhī ga.e sune bhī ga.e

    hamāre lahje meñ jo chāshnī bachī huī thī

    zamāne terī hunar-kosh razm ke hāthoñ

    maiñ luT chukā thā magar shā.erī bachī huī thī

    vo kaun raaz thā jis ko bayān kar na sake

    vo kaun baat thī jo 'ja.afarī' bachī huī thī

    usi ke dam pe to ye dosti bachi hui thi

    hamare bich mein jo ham-sari bachi hui thi

    hamare bich mein ek puKHtagi bachi hui thi

    bachi hui thi magar aarzi bachi hui thi

    usi ke nur se ye raushni bachi hui thi

    mere nasib mein jo tirgi bachi hui thi

    usi ke dam pe manaya tha us ne jashn mera

    ki dushmani mein bhi jo dosti bachi hui thi

    kamal ye tha ki hum bahs haar baiThe the

    hamare lahje ki shaistagi bachi hui thi

    agarche KHatm the rishte paDosiyon wale

    hamare bich mein hamsaegi bachi hi thi

    badal chuka tha wo apna mizaj mere liye

    magar dikhawe ko ek be-ruKHi bachi hui thi

    usi ke nur se pur-nur tha ye sara jahan

    hamari aankh mein jo raushni bachi hui thi

    ab is maqam pe pahuncha diya tha hum ne ishq

    junun KHatm tha diwangi bachi hui thi

    usi ne joD ke rakkha hua tha rishte ko

    hamare bich mein jo barhami bachi hui thi

    is ek baat ki sharmindagi ne mar diya

    mere wajud teri tishnagi bachi hui thi

    ubur kar liya sahra to phir se lauT aae

    junun baqi tha aashuftagi bachi hui thi

    main gahe-gahe use yaad kar hi leta tha

    isi bahane meri zindagi bachi hui thi

    usi ke dam pe paDhe bhi gae sune bhi gae

    hamare lahje mein jo chashni bachi hui thi

    zamane teri hunar-kosh razm ke hathon

    main luT chuka tha magar shaeri bachi hui thi

    wo kaun raaz tha jis ko bayan kar na sake

    wo kaun baat thi jo 'jafari' bachi hui thi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now