usi ki dhun mein kahin naqsh pa gaya hai mera

Zahid Farani

usi ki dhun mein kahin naqsh pa gaya hai mera

Zahid Farani

MORE BYZahid Farani

    usī dhun meñ kahīñ naqsh gayā hai mirā

    jo aa ke ḳhvāb meñ dar khaTkhaTā gayā hai mirā

    guzar gayā hai jo pahlū bachā ke mujh se to kyā

    nazar jhukā ke vo ghar dekhtā gayā hai mirā

    huuñ muztarib tirī gum-gashta aarzū ke liye

    dukān-e-dil se dur-e-be-bahā gayā hai mirā

    asīr-e-gumbad-e-be-dar paḌā huuñ muddat se

    mire dil pe vo pahra biThā gayā hai mirā

    qadam qadam pe dayār-e-vafā ke raste meñ

    mirī zabāñ se fasāna sunā gayā hai mirā

    muhīt hai mire dīvār-o-dar pe tanhā.ī

    na jaane kaun ise ghar batā gayā hai mirā

    usi ki dhun mein kahin naqsh pa gaya hai mera

    jo aa ke KHwab mein dar khaTkhaTa gaya hai mera

    guzar gaya hai jo pahlu bacha ke mujh se to kya

    nazar jhuka ke wo ghar dekhta gaya hai mera

    hun muztarib teri gum-gashta aarzu ke liye

    dukan-e-dil se dur-e-be-baha gaya hai mera

    asir-e-gumbad-e-be-dar paDa hun muddat se

    mere hi dil pe wo pahra biTha gaya hai mera

    qadam qadam pe dayar-e-wafa ke raste mein

    meri zaban se fasana suna gaya hai mera

    muhit hai mere diwar-o-dar pe tanhai

    na jaane kaun ise ghar bata gaya hai mera

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY