usi se puchhiye tasir uski

usī se pūchhiye tāsīr us kī

jise dushman kahe taqdīr us kī

musavvir canvas par ro rahā thā

bikī ab tak nahīñ tasvīr us kī

ahinsā kā pujārī ban gayā vo

hameñ chubhtī rahī shamshīr us kī

to 'akshat' is liye tum laḌ rahe the

bachānī thī tumheñ tasvīr us kī

usi se puchhiye tasir us ki

jise dushman kahe taqdir us ki

musawwir canwas par ro raha tha

biki ab tak nahin taswir us ki

ahinsa ka pujari ban gaya wo

hamein chubhti rahi shamshir us ki

to 'akshat' is liye tum laD rahe the

bachani thi tumhein taswir us ki