uTh raha hai aashiyanon se dhuan dekhega kaun

uTh rahā hai āshiyānoñ se dhuāñ dekhegā kaun

hai magar ta.abīr ḳhvāb-e-rā.egāñ dekhegā kaun

jal rahī hai dil meñ ik āfāq se rishte kī lau

jaise ham dekhe haiñ sū-e-asmāñ dekhegā kaun

tū bahut ā.indagāñ kā khīñchtā hai intizār

be-ḳhabar vo raunaq-e-ā.indagāñ dekhegā kaun

ek ehsās-e-shikast-e-shab bahut raushan magar

be-karāñ is be-hisī ke darmiyāñ dekhegā kaun

aarzū kā ik jahān-e-tāza bhī manzar meñ hai

maiñ jise pahchāntā huuñ vo jahāñ dekhegā kaun

rāste raushan bahut kartā rahā huuñ zer-e-pā

duur tak phaile haiñ qadmoñ ke nishāñ dekhegā kaun

daad jāñkāhī kī kis se paa.eñ ab ahl-e-hunar

ḳhūñ-chakīdā ḳhāma ristī uñgliyāñ dekhegā kaun

dekhte haiñ sab furū-e-shauq kī zebā.isheñ

kam nahīñ kuchh ye ma.āl-e-shauq haañ dekhegā kaun

rafta rafta ho rahegā zaḳhm-e-dil kā indimāl

bujhte bujhte bujh hī jā.egī fuġhāñ dekhegā kaun

dekh dil meñ ho rahā hai ik nayā manzar tulūa

jo idhar bikhrī paḌī hai kahkashāñ dekhegā kaun

uTh raha hai aashiyanon se dhuan dekhega kaun

hai magar tabir KHwab-e-raegan dekhega kaun

jal rahi hai dil mein ek aafaq se rishte ki lau

jaise hum dekhe hain su-e-asman dekhega kaun

tu bahut aaindagan ka khinchta hai intizar

be-KHabar wo raunaq-e-aindagan dekhega kaun

ek ehsas-e-shikast-e-shab bahut raushan magar

be-karan is be-hisi ke darmiyan dekhega kaun

aarzu ka ek jahan-e-taza bhi manzar mein hai

main jise pahchanta hun wo jahan dekhega kaun

raste raushan bahut karta raha hun zer-e-pa

dur tak phaile hain qadmon ke nishan dekhega kaun

dad jaankahi ki kis se paen ab ahl-e-hunar

KHun-chakida KHama risti ungliyan dekhega kaun

dekhte hain sab furu-e-shauq ki zebaishen

kam nahin kuchh ye maal-e-shauq han dekhega kaun

rafta rafta ho rahega zaKHm-e-dil ka indimal

bujhte bujhte bujh hi jaegi fughan dekhega kaun

dekh dil mein ho raha hai ek naya manzar tulua

jo idhar bikhri paDi hai kahkashan dekhega kaun