uTha late the kamre mein agar chaukhaT pe hoti thi

uThā laate the kamre meñ agar chaukhaT pe hotī thī

nigah phir se ba-andāz-e-digar chaukhaT pe hotī thī

ravāna karte the dar par gale mil mil ke rote the

kabhī taqrīb-e-āġhāz-e-safar chaukhaT pe hotī thī

hamārā chāñd gum hotā thā jab tārīk rāhoñ meñ

to sūraj le ke badle meñ sahar chaukhaT pe hotī thī

ajab be-ḳhvābī-o-betābi kā aalam sā rahtā thā

hamārī aañkh khultī thī nazar chaukhaT pe hotī thī

vo thī nārāz mujh se par maiñ jab ghar der se aatā

to vo nam-dīda-o-shorīda-sar chaukhaT pe hotī thī

uTha late the kamre mein agar chaukhaT pe hoti thi

nigah phir se ba-andaz-e-digar chaukhaT pe hoti thi

rawana karte the dar par gale mil mil ke rote the

kabhi taqrib-e-aghaz-e-safar chaukhaT pe hoti thi

hamara chand gum hota tha jab tarik rahon mein

to suraj le ke badle mein sahar chaukhaT pe hoti thi

ajab be-KHwabi-o-betabi ka aalam sa rahta tha

hamari aankh khulti thi nazar chaukhaT pe hoti thi

wo thi naraaz mujh se par main jab ghar der se aata

to wo nam-dida-o-shorida-sar chaukhaT pe hoti thi