aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

uThe hain hath dua ke us aadmi ke liye

Rangeshwar Dayal Saxena Sufi

uThe hain hath dua ke us aadmi ke liye

Rangeshwar Dayal Saxena Sufi

MORE BYRangeshwar Dayal Saxena Sufi

    uThe haiñ haath duā ke us aadmī ke liye

    jo kaam kartā hai duniyā behtarī ke liye

    ilaaj kyā agar is par bhī Thokareñ khā.eñ

    milā zamīr hai insāñ ko raushnī ke liye

    khilā.e phuul ka.ī phal kiye kahīñ paidā

    hazār ne.amateñ paidā kiiñ aadmī ke liye

    na.ī hayāt paiġhām detī hai jab maut

    to jaan kis liye de koī zindagī ke liye

    ḳhushī ke maare na bachte agar na hotā ġham

    sahārā ġham zarūrī hai zindagī ke liye

    jahāñ meñ koī nahīñ ġham se jo nahīñ vāqif

    kisī ko ġham hai koī ġham koī kisī ke liye

    qadam qadam pe yahāñ ehtiyāt lāzim hai

    maqām-e-aish jahāñ kab hai aadmī ke liye

    rah-e-adam hai yahāñ sar jhukā ke chal 'sūfī'

    ye rahguzar hai ḳhatarnāk ḳhud-sarī ke liye

    uThe hain hath dua ke us aadmi ke liye

    jo kaam karta hai duniya ki behtari ke liye

    ilaj kya agar is par bhi Thokaren khaen

    mila zamir hai insan ko raushni ke liye

    khilae phul kai phal kiye kahin paida

    hazar neamaten paida kin aadmi ke liye

    nai hayat ka paigham deti hai jab maut

    to jaan kis liye de koi zindagi ke liye

    KHushi ke mare na bachte agar na hota gham

    sahaara gham ka zaruri hai zindagi ke liye

    jahan mein koi nahin gham se jo nahin waqif

    kisi ko gham hai koi gham koi kisi ke liye

    qadam qadam pe yahan ehtiyat lazim hai

    maqam-e-aish jahan kab hai aadmi ke liye

    rah-e-adam hai yahan sar jhuka ke chal 'sufi'

    ye rahguzar hai KHatarnak KHud-sari ke liye

    Source:

    Bagh-o-Bahar (Pg. 83)

    • Author: Rangeshwar Dayal Saxena Sufi
      • Publisher: Rangeshwar Dayal Saxena Sufi
      • Year of Publication: 1989
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now