uTho zamane ke aashob ka izala karen

Sirajuddin Zafar

uTho zamane ke aashob ka izala karen

Sirajuddin Zafar

MORE BYSirajuddin Zafar

    uTho zamāne ke āshob izāla kareñ

    ba-nām-e-gul-badnāñ ruḳh sū-e-piyāla kareñ

    ba-yād-e-dīda-e-maḳhmūr pur-piyāla kareñ

    uTho ki zahr phir zahr se izāla kareñ

    vo rind haiñ na uThā.eñ bahār ehsāñ

    varūd ham tirī ḳhalvat meñ be-havāla kareñ

    kahāñ ke dair o haram aao ek sajda-e-shauq

    bapā-e-hosh-e-rubāyān-e-bast-sāla kareñ

    baras paḌe jo gulistāñ meñ us nazar se sharāb

    bahak bahak ke ham aage subu-e-lāla kareñ

    subū uThā ki gadāyān-e-kū-e-mai-ḳhāna

    tire havāle mah-o-mehr qabāla kareñ

    hadīs-e-zohd ho vārdāt-e-zahra-misāl

    kisī ke naam ko ham zeb-e-har-maqāla kareñ

    dikhā sahīfa-e-ruḳh is tarah ki ahl-e-bahār

    varaq varaq ba-ḳhajālat bayāz-e-lāla kareñ

    uTho jalā ke mai-e-surḳh se charāġh-e-abad

    nashāt-e-sohbat-e-shab ko hazār-sāla kareñ

    adā vo nīchī nigāhoñ hai ki jaise 'zafar'

    talāsh-e-kunj-e-ġhazālān-e-ḳhurd-sāla kareñ

    uTho zamane ke aashob ka izala karen

    ba-nam-e-gul-badnan ruKH su-e-piyala karen

    ba-yaad-e-dida-e-maKHmur pur-piyala karen

    uTho ki zahr ka phir zahr se izala karen

    wo rind hain na uThaen bahaar ka ehsan

    warud hum teri KHalwat mein be-hawala karen

    kahan ke dair o haram aao ek sajda-e-shauq

    bapa-e-hosh-e-rubayan-e-bast-sala karen

    baras paDe jo gulistan mein us nazar se sharab

    bahak bahak ke hum aage subu-e-lala karen

    subu uTha ki gadayan-e-ku-e-mai-KHana

    tere hawale mah-o-mehr ka qabaala karen

    hadis-e-zohd ho ya wardat-e-zahra-misal

    kisi ke nam ko hum zeb-e-har-maqala karen

    dikha sahifa-e-ruKH is tarah ki ahl-e-bahaar

    waraq waraq ba-KHajalat bayaz-e-lala karen

    uTho jala ke mai-e-surKH se charagh-e-abad

    nashat-e-sohbat-e-shab ko hazar-sala karen

    ada wo nichi nigahon ki hai ki jaise 'zafar'

    talash-e-kunj-e-ghazalan-e-KHurd-sala karen

    Source:

    • Book : rang-e- gazal (Pg. 231)
    • Author : shahzaad ahmad
    • Publication : nazim majlis taraqqi adab lahore (2008)
    • Edition : 2008
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY