uTThe ghubar-e-shor-e-nafas to wahshat mat karna

Mohammad Ahmad Ramz

uTThe ghubar-e-shor-e-nafas to wahshat mat karna

Mohammad Ahmad Ramz

MORE BYMohammad Ahmad Ramz

    uTThe ġhubār-e-shor-e-nafas to vahshat mat karnā

    dasht-darūñ se hijrat kaisī hijrat mat karnā

    dariyā sabza phuul sitāre achchhī ḳhvāhish hai

    patthar kāñTe dhuup gard se nafrat mat karnā

    ik sach āvāz meñ haiñ jiine ke hazār āhañg

    lashkar kasrat pe na jaanā bai.at mat karnā

    neza-e-subh pe le kar chalnā kal sūraj

    shab meñ magar ailān-e-naved-e-nusrat mat karnā

    maiñ to sab kuchh dekh rahā huuñ kyā kyā hai us paar

    maiñ jo kahūñ shīshe falak hai hairat mat karnā

    geñd hai be-vazn ye duniyā merī Thokar meñ

    maiñ jo kahūñ tum is ko uchchhālo jur.at mat karnā

    'ramz' samundar gahrā.ī merā sar-e-añgusht

    maiñ jo kahūñ utro paanī meñ ujlat mat karnā

    uTThe ghubar-e-shor-e-nafas to wahshat mat karna

    dasht-darun se hijrat kaisi hijrat mat karna

    dariya sabza phul sitare achchhi KHwahish hai

    patthar kanTe dhup gard se nafrat mat karna

    ek sach ki aawaz mein hain jine ke hazar aahang

    lashkar ki kasrat pe na jaana baiat mat karna

    neza-e-subh pe le kar chalna kal ka suraj

    shab mein magar ailan-e-nawed-e-nusrat mat karna

    main to sab kuchh dekh raha hun kya kya hai us par

    main jo kahun shishe ka falak hai hairat mat karna

    gend si hai be-wazn ye duniya meri Thokar mein

    main jo kahun tum is ko uchchhaalo jurat mat karna

    'ramz' samundar ki gahrai mera sar-e-angusht

    main jo kahun utro pani mein ujlat mat karna

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY