apni KHabar, na us ka pata hai, ye ishq hai

Irfan Sattar

apni KHabar, na us ka pata hai, ye ishq hai

Irfan Sattar

MORE BYIrfan Sattar

    apnī ḳhabar, na us pata hai, ye ishq hai

    jo thaa, nahīñ hai, aur na thaa, hai,, ye ishq hai

    pahle jo thaa, vo sirf tumhārī talāsh thī

    lekin jo tum se mil ke huā hai, ye ishq hai

    tashkīk hai, na jañg hai mābain-e-aql-o-dil

    bas ye yaqīn hai ki ḳhudā hai, ye ishq hai

    behad ḳhushī hai, aur hai be-intihā sukūn

    ab dard hai, na ġham, na gila hai, ye ishq hai

    kyā ramz jānñī hai tujhe asl-e-ishq kii?

    jo tujh meñ us badan ke sivā hai, ye ishq hai

    shohrat se terī ḳhush jo bahut hai, ye hai ḳhirad

    aur ye jo tujh meñ tujh se ḳhafā hai, ye ishq hai

    zer-e-qabā jo husn hai, vo husn hai ḳhudā

    band-e-qabā jo khol rahā hai, ye ishq hai

    idrāk kamī hai samajhnā ise maraz

    is duaa, na is davā hai, ye ishq hai

    shaffāf o saaf, aur latāfat meñ be-misāl

    saarā vajūd ā.īna hai, ye ishq hai

    ya.anī ki kuchh bhī is ke sivā sūjhtā nahīñ?

    haañ to janāb, mas.ala kyā hai? ye ishq hai

    jo aql se badan ko milī thii, vo thī havas

    jo ruuh ko junūñ se milā hai, ye ishq hai

    is meñ nahīñ hai daḳhl koī ḳhauf o hirs

    is jazā, na is sazā hai, ye ishq hai

    sajde meñ hai jo mahv-e-duā vo hai be-dilī

    ye jo dhamāl Daal rahā hai, ye ishq hai

    hotā agar kuchh aur to hotā anā-parast

    us razā shikast-e-anā hai, ye ishq hai

    'irfān' mānñe meñ ta.ammul tujhe thā

    maiñ ne to ye hamesha kahā hai, ye ishq hai

    apni KHabar, na us ka pata hai, ye ishq hai

    jo tha, nahin hai, aur na tha, hai,, ye ishq hai

    pahle jo tha, wo sirf tumhaari talash thi

    lekin jo tum se mil ke hua hai, ye ishq hai

    tashkik hai, na jang hai mabain-e-aql-o-dil

    bas ye yaqin hai ki KHuda hai, ye ishq hai

    behad KHushi hai, aur hai be-intiha sukun

    ab dard hai, na gham, na gila hai, ye ishq hai

    kya ramz jaanni hai tujhe asl-e-ishq ki?

    jo tujh mein us badan ke siwa hai, ye ishq hai

    shohrat se teri KHush jo bahut hai, ye hai KHirad

    aur ye jo tujh mein tujh se KHafa hai, ye ishq hai

    zer-e-qaba jo husn hai, wo husn hai KHuda

    band-e-qaba jo khol raha hai, ye ishq hai

    idrak ki kami hai samajhna ise maraz

    is ki dua, na is ki dawa hai, ye ishq hai

    shaffaf o saf, aur latafat mein be-misal

    sara wajud aaina sa hai, ye ishq hai

    yani ki kuchh bhi is ke siwa sujhta nahin?

    han to janab, masala kya hai? ye ishq hai

    jo aql se badan ko mili thi, wo thi hawas

    jo ruh ko junun se mila hai, ye ishq hai

    is mein nahin hai daKHl koi KHauf o hirs ka

    is ki jaza, na is ki saza hai, ye ishq hai

    sajde mein hai jo mahw-e-dua wo hai be-dili

    ye jo dhamal Dal raha hai, ye ishq hai

    hota agar kuchh aur to hota ana-parast

    us ki raza shikast-e-ana hai, ye ishq hai

    'irfan' manne mein tammul tujhe hi tha

    main ne to ye hamesha kaha hai, ye ishq hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now