gale lagaen karen tumko pyar eid ke din

Akbar Allahabadi

gale lagaen karen tumko pyar eid ke din

Akbar Allahabadi

MORE BYAkbar Allahabadi

    gale lagā.eñ kareñ tum ko pyaar eid ke din

    idhar to aao mire gul-ezār eid ke din

    ġhazab husn hai ārā.isheñ qayāmat

    ayaañ hai qudrat-e-parvardigār eid ke din

    sañbhal sakī na tabī.at kisī tarah merī

    rahā na dil pe mujhe iḳhtiyār eid ke din

    vo saal bhar se kudūrat bharī jo thī dil meñ

    vo duur ho ga.ī bas ek baar eid ke din

    lagā liyā unheñ siine se josh-e-ulfat meñ

    ġharaz ki aa gayā mujh ko pyaar eid ke din

    kahīñ hai naġhma-e-bulbul kahīñ hai ḳhanda-e-gul

    ayaañ hai josh-e-shabāb-e-bahār eid ke din

    sivayyāñ duudh shakar meva sab muhayyā hai

    magar ye sab hai mujhe nāgavār eid ke din

    mile agar lab-e-shīrīñ tere ik bosa

    to lutf ho mujhe albatta yaar eid ke din

    gale lagaen karen tum ko pyar eid ke din

    idhar to aao mere gul-ezar eid ke din

    ghazab ka husn hai aaraishen qayamat ki

    ayan hai qudrat-e-parwardigar eid ke din

    sanbhal saki na tabiat kisi tarah meri

    raha na dil pe mujhe iKHtiyar eid ke din

    wo sal bhar se kudurat bhari jo thi dil mein

    wo dur ho gai bas ek bar eid ke din

    laga liya unhen sine se josh-e-ulfat mein

    gharaz ki aa hi gaya mujh ko pyar eid ke din

    kahin hai naghma-e-bulbul kahin hai KHanda-e-gul

    ayan hai josh-e-shabab-e-bahaar eid ke din

    siwayyan dudh shakar mewa sab muhayya hai

    magar ye sab hai mujhe nagawar eid ke din

    mile agar lab-e-shirin ka tere ek bosa

    to lutf ho mujhe albatta yar eid ke din

    Source :
    • Book : Kulliyat-e-akbar (Pg. 135)
    • Author : Sayed Akbar husain Akbar Allahabadi
    • Publication : Farid Book Depot Pvt. Ltd

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now