wade mohabbaton ke kuchh aise nibhae hain

va.ade mohabbatoñ ke kuchh aise nibhā.e haiñ

ham qatl hone kūcha-e-qātil meñ aa.e haiñ

ḳhushbū tire visāl kī phailī hai chaar sū

kin kin jag.hoñ pe tū ne Thikāne banā.e haiñ

aañsū lahū meñ Duub ga.e to ḳhabar huī

tūfān dil ne dard ke kyā kyā uThā.e haiñ

terī mohabbatoñ ke nashe bhī ajiib haiñ

ham hosh meñ the phir bhī qadam laḌkhaḌā.e haiñ

pakke makāñ kī vahshatoñ ko dekh dekh kar

ab ham ne ḳhvāhishoñ ke gharauñde banā.e haiñ

ye zindagī kisī kī amānat hai dosto

gin ke batāo jitne bhī lamhe gañvā.e haiñ

shām-e-ġharībāñ tum ne to dekhī nahīñ kabhī

bas is ḳhayāl se hī tumheñ dukh sunā.e haiñ

wade mohabbaton ke kuchh aise nibhae hain

hum qatl hone kucha-e-qatil mein aae hain

KHushbu tere visal ki phaili hai chaar su

kin kin jaghon pe tu ne Thikane banae hain

aansu lahu mein Dub gae to KHabar hui

tufan dil ne dard ke kya kya uThae hain

teri mohabbaton ke nashe bhi ajib hain

hum hosh mein the phir bhi qadam laDkhaDae hain

pakke makan ki wahshaton ko dekh dekh kar

ab hum ne KHwahishon ke gharaunde banae hain

ye zindagi kisi ki amanat hai dosto

gin ke batao jitne bhi lamhe ganwae hain

sham-e-ghariban tum ne to dekhi nahin kabhi

bas is KHayal se hi tumhein dukh sunae hain